Kriptovalyuta bazarında son günlər müşahidə olunan geriləmədən sonra yenidən artım tendensiyası qeydə alınıb.
Elpress.az APA-Economics-ə istinadən xəbər verir ki, qlobal kriptovalyuta bazarının ümumi kapitallaşması son 24 saat ərzində 0,82 faiz artaraq 2,14 trilyon dollara yüksəlib.Bazarın aparıcı aktivi olan Bitcoinin qiyməti sutka ərzində 1,34 faiz bahalaşaraq 62 323 dollara çatıb. Bununla belə, kriptovalyuta son bir həftədə 3,12 faiz dəyər itirib.Ethereum da müsbət dinamika nümayiş etdirərək 0,84 faiz artımla 1 644 dollara yüksəlib. Lakin bu aktiv üzrə həftəlik azalma 9,02 faiz təşkil edib. BNB isə son 24 saatda 0,95 faiz bahalaşsa da, həftəlik müqayisədə 4,3 faiz ucuzlaşıb.Qızıla bağlı rəqəmsal aktivlərdə isə eniş davam edib. PAX Gold (PAXG) 4 069 dollara, Tether Gold (XAUt) isə 4 062 dollara qədər geriləyib.İnvestorların bazara münasibətini əks etdirən “Fear & Greed Index” göstəricisi 15 bənd səviyyəsində qərarlaşıb. Bu isə bazarda güclü ehtiyatlılıq və narahatlığın hökm sürdüyünü göstərir.Mütəxəssislərin fikrincə, qısamüddətli alışlar bazara müəyyən dəstək versə də, qlobal iqtisadi qeyri-müəyyənliklər və geosiyasi gərginliklər riskli aktivlərə marağın tam bərpa olunmasına mane olur.
