“CFI Financial İnvestisiya Şirkəti”ndə aparılan yoxlama zamanı korporativ idarəetmə qaydalarının pozulduğu müəyyənləşib
Elpress.az xəbər verir ki, “CFI Financial İnvestisiya Şirkəti” QSC-nin vəzifəli şəxsi inzibati məsuliyyətə cəlb olunub.Mərkəzi Bankın şirkətdə keçirdiyi tematik yoxlama zamanı investisiya şirkətlərində korporativ idarəetmə standartlarının tələblərinə tam riayət edilmədiyi aşkarlanıb.Müəyyən edilmiş pozuntu ilə əlaqədar şirkətin vəzifəli şəxsinə İnzibati Xətalar Məcəlləsinin 416.0.1-ci maddəsinə əsasən 500 manat məbləğində inzibati cərimə tətbiq edilib.Qeyd edək ki, “CFI Financial İnvestisiya Şirkəti” QSC 2024-cü ilədək “Az-Finance İnvestisiya Şirkəti” adı ilə fəaliyyət göstərib. Şirkət həmin il beynəlxalq “CFI Financial Group” tərəfindən alınıb və bundan sonra adını dəyişib.Hazırda investisiya şirkətinin səhmlərinin 100 faizi CFI qrupuna məxsusdur. Şirkətin İdarə Heyətinin sədri Pərvanə Qasımovadır.
