Bakı–Tbilisi–Bakı marşrutu üzrə sərnişin qatarlarının bilet qiymətləri açıqlanıb və tariflər sərnişinlərin seçdiyi məsafə ilə komfort səviyyəsinə uyğun müəyyənləşdirilib. Komfort sinfi üzrə biletlərin qiyməti 51 manatdan başlayır və müxtəlif dayanacaqlardan Gürcüstana səfər edən sərnişinlər üçün fərqli tariflər tətbiq olunacaq.
Elpress.az-ın məlumatına əsasən, Bakıdan Tbilisiyə bir istiqamət üzrə minimum gediş haqqı 81 manat təşkil edir. Digər marşrutlar üzrə isə Yevlax–Tbilisi istiqamətində biletin qiyməti 67 manat, Gəncə–Tbilisi üzrə 62 manat, Ağstafa–Tbilisi marşrutu üzrə 57 manat, Böyük Kəsik–Qardabani istiqamətində isə 51 manat müəyyən edilib. Qiymətlər vaqonun komfort səviyyəsinə uyğun olaraq dəyişə bilər.
Xatırladaq ki, Azərbaycan və Gürcüstan hökumətləri arasında imzalanmış Birgə Kommünikeyə uyğun olaraq, 26 may 2026-cı il tarixindən Bakı–Tbilisi–Bakı beynəlxalq sərnişin qatarının fəaliyyəti yenidən bərpa ediləcək. Uzun fasilədən sonra dəmir yolu əlaqəsinin açılması hər iki ölkə arasında sərnişin daşımalarının genişlənməsinə və turizm əlaqələrinin daha da inkişafına töhfə verəcək.
