Aysel Əlibəyli
05 Noyabr 2026 · 10:00
1016 baxış
Azərbaycanın Vətən müharibəsində iştirak etmiş qəhrəman hərbçilərindən biri olan Füzuli İmrəliyevin hərbi rütbəsi artırılıb.
Elpress.az xəbər verir ki, Strateji Obyektlərin Mühafizəsi Dövlət Agentliyinin rəis müavini, polkovnik Füzuli İmrəliyevə general-mayor ali hərbi rütbəsi verilib.
Bu barədə “Unikal” məlumat yayıb.
Qeyd edək ki, Füzuli İmrəliyev Vətən müharibəsi zamanı Daxili Qoşunların “Kobra” Xüsusi Təyinatlı Dəstəsinin komandiri olub. O, Hadrut və Şuşa istiqamətlərində gedən döyüşlərdə iştirak edib, Daşaltı əməliyyatı zamanı yaralanıb.
Prezident İlham Əliyevin 9 dekabr 2020-ci il tarixli sərəncamı ilə Füzuli İmrəliyevə “Vətən Müharibəsi Qəhrəmanı” fəxri adı verilib.
