Aysel Əlibəyli
05 Noyabr 2026 · 11:42
1014 baxış
Bakıda avtomobillərin ödənişli hərəkət zonalarına daxil olmasına görə sürücülərdən alınacaq vəsait dövlət büdcəsinə ödəniləcək.
Elpress.az xəbər verir ki, bu məsələ “Avtomobil yolları haqqında” qanuna təklif edilən dəyişikliklərdə əksini tapıb.
Layihəyə əsasən, paytaxtın inzibati ərazisində ödənişli hərəkət zonaları müəyyən ediləcək. Həmin ərazilərə daxil olan nəqliyyat vasitələrindən tutulacaq haqqın məbləği isə müvafiq dövlət qurumunun təsdiqi ilə müəyyənləşdiriləcək.
Dəyişikliklərdə sərnişindaşıma sahəsi ilə bağlı subsidiya mexanizmi də nəzərdə tutulur. Belə ki, müntəzəm sərnişin daşımalarını həyata keçirən daşıyıcılara məsafə əsaslı avtomobil nəqliyyatı xidmətlərinə görə veriləcək subsidiyalar dövlət büdcəsi hesabına maliyyələşdiriləcək.
