Pərviz Şahbazov: Birgə layihələr iki ölkənin enerji inteqrasiyasını gücləndirir
Elpress.az xəbər verir ki, Azərbaycan-Türkiyə münasibətlərində enerji sahəsində əməkdaşlıq strateji əhəmiyyətini daha da artırıb.Energetika naziri Pərviz Şahbazov Azərbaycan-Türkiyə 5-ci Enerji Forumunda çıxışı zamanı bildirib ki, həyata keçirilən birgə enerji layihələri iki ölkə arasında tərəfdaşlığın strateji istiqamətlərini və geniş coğrafiyasını nümayiş etdirir.Nazirin sözlərinə görə, SOCAR-Türkiyə, İstanbul hava limanlarında yanacaq doldurma xidmətləri göstərən şirkətlər və digər birgə təşəbbüslər enerji əməkdaşlığının əsas istiqamətləri sırasındadır.Şahbazov qeyd edib ki, Türkiyədə yeni neft-kimya istehsal güclərinin yaradılması və enerji sahəsində yeni layihələrin həyata keçirilməsi iki ölkənin iqtisadi əlaqələrini genişləndirir.Nazir vurğulayıb ki, bu layihələr Azərbaycan və Türkiyə arasında enerji inteqrasiyasının daha da möhkəmlənməsinə və strateji tərəfdaşlığın inkişafına xidmət edir.
