Dünya bazarında Azərbaycan neftinin qiymətində növbəti artım qeydə alınıb. “Azeri Light” markalı neftin bir barelinin qiyməti 124,76 ABŞ dollarına yüksəlib.
Elpress.az xəbər verir ki, bazardakı mənbənin məlumatına görə, Azərbaycan neftinin qiyməti əvvəlki göstərici ilə müqayisədə 5,5 ABŞ dolları və ya 4,61 faiz artıb.
Hərraclarda “Brent” markalı neftin dekabr fyuçerslərinin bir bareli 127,11 ABŞ dollarına satılıb.
Türkiyənin Ceyhan limanında FOB bazasında “Azeri Light”ın qiyməti də yüksəlib. Bir barelin qiyməti 5,04 ABŞ dolları və ya 4,48 faiz artaraq 117,33 ABŞ dollarına çatıb.
Qeyd edək ki, Azərbaycanın 2026-cı il dövlət büdcəsində bir barel neftin orta qiyməti 65 ABŞ dolları səviyyəsində nəzərdə tutulub.
“Azeri Light”ın tarix üzrə ən aşağı qiyməti 2020-ci il aprelin 21-də 15,81 ABŞ dolları, ən yüksək qiyməti isə 2008-ci ilin iyulunda 149,66 ABŞ dolları olub.
Azərbaycanın “Azeri Light” markalı nefti “Azəri-Çıraq-Günəşli” yataqlar blokunun işlənməsi üzrə müqavilə çərçivəsində hasil edilir. Müqavilədə SOCAR-ın payı 35,3 faiz təşkil edir.
