İlin ilk 7 ayında 77 min tondan çox kartof xarici bazarlara göndərilib
Elpress.az xəbər verir ki, 2026-cı ilin yanvar-iyul aylarında Azərbaycan xarici bazarlara 77,4 min ton kartof ixrac edib.Dövlət Gömrük Komitəsinin məlumatına görə, ixrac olunan kartofun ümumi dəyəri 29,7 milyon ABŞ dolları təşkil edib. Ötən ilin eyni dövrü ilə müqayisədə kartof ixracının həcmi 6,6 min ton və ya 9,2 faiz, dəyəri isə 1,6 milyon dollar və ya 5,5 faiz artıb.Kartof ixracından əldə olunan gəlirin Azərbaycanın ümumi ixrac gəlirlərində payı isə nisbətən aşağı olub.Hesabat dövründə Azərbaycanın xarici ticarət dövriyyəsi 29 milyard 216 milyon dollar təşkil edib. Bu göstərici ötən ilin müvafiq dövrü ilə müqayisədə 1,3 faiz artıb.Yanvar-iyul aylarında ölkənin ixracı 19 milyard 336 milyon dollar, idxalı isə 9 milyard 881 milyon dollar olub. İllik müqayisədə ixrac 27 faiz artdığı halda, idxal 27,4 faiz azalıb.Nəticədə Azərbaycanın xarici ticarət balansında 9 milyard 455 milyon dollar həcmində müsbət saldo formalaşıb. Bu göstərici əvvəlki ilin eyni dövrü ilə müqayisədə 5,9 dəfə çoxdur.
