İlin ilk 7 ayında xarici bazarlara 531 tondan çox çay göndərilib
Elpress.az xəbər verir ki, 2026-cı ilin yanvar-iyul aylarında Azərbaycandan xarici ölkələrə 531,33 ton çay ixrac olunub.Dövlət Gömrük Komitəsinin məlumatına görə, hesabat dövründə çay ixracının ümumi dəyəri 4,7 milyon ABŞ dolları təşkil edib. Ötən ilin eyni dövrü ilə müqayisədə ixracın dəyəri 19,5 faiz, həcmi isə 23,3 faiz artıb.Cari ilin ilk 7 ayında Azərbaycana xaricdən 8 124,63 ton çay idxal edilib. İdxalın ümumi dəyəri 48,7 milyon dollar olub. Bu göstəricilər illik müqayisədə dəyər ifadəsində 2,4 faiz, həcm baxımından isə 3,4 faiz yüksəlib.Eyni zamanda, ilin yanvar-iyul aylarında ölkədə 6 537 ton çay istehsal edilib. Bu, 2025-ci ilin müvafiq dövrü ilə müqayisədə 1,9 faiz azdır. Avqustun 1-nə sənaye müəssisələrinin anbarlarında 174,1 ton hazır çay məhsulu ehtiyatının olduğu bildirilib.
Məlumata əsasən, hesabat dövründə Azərbaycandan ixrac edilən çayın bir kiloqramının orta qiyməti 8,8 manat, idxal olunan çayın bir kiloqramının orta qiyməti isə 6 manat olub.
