İqlim dəyişiklikləri və münaqişələr dünyanın müxtəlif bölgələrində insanların yaşayışına və iqtisadi inkişafa ciddi təsir edir. Bu baxımdan, yerli icmaların qərarvermə proseslərində aktiv iştirakı mühüm rol oynayır.
Elpress.az-ın Azərtac.az-a istinadən verdiyi məlumata əsasən, Keniyada ətraf mühitin mühafizəsi sahəsində fəaliyyət göstərən “Consortium of Grassroots” QHT Konsorsiumunun prezidenti və “TUBAE-International” təşəbbüsünün icraçı direktoru Eliud Emeri bu fikirləri “Davamlı və inklüziv şəhər planlaşdırılması: qlobal tərəfdaşlıqlar və QHT-lərin qərarvermə prosesinə təsiri” adlı panel müzakirəsində səsləndirib.O vurğulayıb ki, iqlim dəyişikliklərinin yaratdığı mənfi nəticələr artıq dünyanın müxtəlif bölgələrində açıq şəkildə hiss olunur. Emerinin sözlərinə görə, həm iqlim dəyişiklikləri, həm də münaqişələr iqtisadi inkişaf prosesinə və insanların yaşayış mənbələrinə ciddi təsir göstərir. O qeyd edib ki, dayanıqlı inkişafın təmin olunması üçün hökumətlərlə yanaşı, yerli icmaların da təşəbbüslərə əsaslanan yanaşmalara üstünlük verməsi mühüm əhəmiyyət daşıyır.İcraçı direktor əlavə edib ki, icmaların rifahı və davamlı inkişafı onların öz resurslarını necə idarə etməsi və qərarvermə proseslərində nə dərəcədə fəal iştirak etməsi ilə birbaşa bağlıdır.
