Aysel Əlibəyli
31 İyul 2026 · 10:43
1096 baxış
Bu ilin ilk altı ayında Azərbaycanda fərdi uçot sistemində qeydiyyatda olan sığortaolunanların sayı artmaqda davam edib.
Elpress.az xəbər verir ki, Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun (DSMF) məlumatına əsasən, 2026-cı ilin yanvar–iyun ayları ərzində fərdi uçot sistemində qeydiyyata alınan sığortaolunanların sayı 71 min 668 nəfər artıb.
Məlumata görə, 2026-cı il iyulun 1-nə ölkə üzrə fərdi uçot sistemində qeydiyyatda olan sığortaolunanların ümumi sayı 5 milyon 399 min 765 nəfərə çatıb.
DSMF-də qeyd edilib ki, sığortaolunanların sayındakı artım sosial sığorta sisteminin əhatə dairəsinin genişlənməsinin göstəricilərindən biri hesab olunur.
