Elpress.az xəbər verir ki, iqtisadiyyat naziri Mikayıl Cabbarov Çexiyanın aqrar-sənaye sektorunda fəaliyyət göstərən “Agrofert” Şirkətlər Qrupunun Direktorlar Şurası sədrinin müavini Peter Singr ilə görüş keçirib.
Görüş zamanı Azərbaycan ilə Çexiya arasında iqtisadi və investisiya əlaqələrinin inkişaf perspektivləri, qarşılıqlı biznes imkanlarının genişləndirilməsi və yeni əməkdaşlıq istiqamətləri müzakirə olunub.
Tərəflər aqrar-sənaye, kimya sənayesi və enerji sahələrində birgə layihələrin həyata keçirilməsi, investisiya mühitinin təşviqi və işgüzar əlaqələrin gücləndirilməsi məsələləri ətrafında fikir mübadiləsi aparıblar.
Görüşdə vurğulanıb ki, Azərbaycanın əlverişli investisiya imkanları və sənaye potensialı xarici şirkətlərlə uzunmüddətli tərəfdaşlığın inkişafı üçün geniş perspektivlər yaradır. Bu baxımdan, Çexiya şirkətləri ilə əməkdaşlığın daha da genişləndirilməsi hər iki ölkənin iqtisadi münasibətlərinə əlavə töhfə verə bilər.
