Maliyyə icarəsi fəaliyyəti göstərmək istəyən şəxslərin maliyyə icarəsi verənlərin reyestrinə qeydiyyata alınması üçün tətbiq olunan dövlət rüsumunun məbləği müəyyən edilir.
Elpress.az-ın Qafqazinfo.az-a istinadən verdiyi məlumata əsasən, İcarəyə verən tərəf, əlaqəli icarəçilər qrupu üzrə Azərbaycan Respublikasının Mərkəzi Bankı tərəfindən müəyyən olunan kredit riskləri limitlərinə əməl etməlidir.Həmçinin, maliyyə icarəsi fəaliyyəti, risklərin idarə olunması və daxili nəzarətlə bağlı qaydalara sahib olmalıdır.İcarəyə verənlər hər bir icarəçi barədə məlumatları Mərkəzi Bankın mərkəzləşdirilmiş kredit reyestrinə və ən azı bir kredit bürosuna təqdim etməli, müvafiq qanunvericiliyin tələblərinə riayət etməlidirlər.Bundan əlavə, onlar çirkli pulların yuyulması, terrorçuluğun maliyyələşdirilməsi və maliyyə sanksiyaları ilə bağlı qanunların tələblərinə uyğun fəaliyyət göstərməlidirlər. Maliyyə icarəsindən əlavə, qanunla qadağan olunmayan digər fəaliyyətlərlə də məşğul ola bilərlər.Məsələ müzakirələrdən sonra səsverməyə çıxarılıb və üçüncü oxunuşda qəbul olunub.
