Avqustda illik inflyasiya 5,7 faiz təşkil edib
Elpress.az xəbər verir ki, Azərbaycan Mərkəzi Bankı ortamüddətli dövr üzrə inflyasiya proqnozunu yeniləməyib.AMB-nin faiz dəhlizinin parametrləri ilə bağlı qərarında bildirilib ki, illik inflyasiya müəyyən edilmiş hədəf diapazonunda qalır və baza ssenarisi üzrə gözlənilən trayektoriya ilə uyğunluq təşkil edir.2026-cı ilin avqustunda 12 aylıq inflyasiya 5,7 faiz olub. Bu göstərici iyul ayı ilə müqayisədə 0,1 faiz bəndi azdır.Avqust ayında illik qiymət artımı ərzaq məhsulları, alkoqollu içkilər və tütün məmulatları üzrə 7,2 faiz, ödənişli xidmətlər üzrə 5 faiz, qeyri-ərzaq məhsulları üzrə isə 3,7 faiz təşkil edib.Eyni dövrdə illik baza inflyasiya 5,1 faiz səviyyəsində qeydə alınıb.Mərkəzi Bank ortamüddətli perspektivdə illik inflyasiyanın hədəf diapazonunda qalacağına dair proqnozunu dəyişməz saxlayıb.AMB eyni zamanda qlobal geosiyasi qeyri-müəyyənliyin, enerji və ərzaq qiymətlərində mümkün artımların, həmçinin xarici bazarlardakı qiymət dəyişikliklərinin daxili bazara ötürülməsi risklərinin davam etdiyini qeyd edib.
