Klub 2027/28 mövsümündən formalarında “Turkish Airlines” loqosundan istifadə edəcək
Elpress.az xəbər verir ki, “Liverpul” klubu 2027/28 mövsümündən etibarən titul sponsorluğunda dəyişikliyə gedəcək. Yeni razılaşmaya əsasən, kişi və qadın komandalarının, eləcə də akademiyanın formalarında Türkiyənin “Turkish Airlines” aviaşirkətinin loqosu yerləşdiriləcək.2010-cu ildən klubun titul sponsoru olan “Standard Chartered” isə 2027-ci ilin iyunundan etibarən əməkdaşlığını qlobal tərəfdaş statusunda davam etdirəcək.“Turkish Airlines” ilə imzalanan müqavilə beş il müddətinə nəzərdə tutulub. Sazişin ümumi maliyyə dəyəri 300 milyon funt sterlinq təşkil edir. Bu isə klub üçün mövsüm üzrə 60 milyon funt sterlinqdən artıq gəlir deməkdir.“Liverpul” yeni anlaşmanı Premyer Liqa tarixində yalnız forma sponsorluğunu əhatə edən ən yüksək gəlirli müqavilə kimi qiymətləndirib.
