“Fənərbaxça” Lukaku üçün “Napoli”yə 6 milyon avro təklif edib
Elpress.az xəbər verir ki, Belçikalı hücumçu Romelu Lukakunun Türkiyənin “Fənərbaxça” klubuna keçidi ilə bağlı danışıqlarda yeni mərhələyə keçilib.İnsayder Mateo Morettonun məlumatına görə, 33 yaşlı futbolçu İstanbul təmsilçisi ilə şəxsi müqavilənin şərtləri barədə razılığa gəlib. Transferin baş tutması üçün hazırda “Fənərbaxça” ilə “Napoli” arasında danışıqlar aparılır.Türkiyə klubunun Lukakunun transferi üçün İtaliya təmsilçisinə 6 milyon avro təklif etdiyi bildirilir. “Napoli”nin isə hücumçunun satışından təxminən 12 milyon avro qazanmaq istədiyi qeyd olunur.Lukakunun “Napoli” ilə müqaviləsi 2027-ci ilin yayına qədər qüvvədədir. Belçikalı forvardın mövsümöncəsi hazırlıq prosesində iştirak etmədiyi də bildirilib.
