ABŞ, Kanada və Meksikanın birgə təşkil etdiyi futbol üzrə dünya çempionatında bu gecə 1/4 final mərhələsinin son iki qarşılaşması keçiriləcək.
Elpress.az xəbər verir ki , Futbol üzrə dünya çempionatında yarımfinala yüksələcək son iki komandanın adına bu gecə aydınlıq gələcək. Turnirin 1/4 final mərhələsi çərçivəsində azarkeşləri iki maraqlı qarşılaşma gözləyir.Bakı vaxtı ilə saat 01:00-da İngiltərə millisi Norveç yığması ilə üz-üzə gələcək. Matç ABŞ-ın Mayami şəhərində yerləşən “Hard Rok” stadionunda keçiriləcək.Gecənin ikinci qarşılaşması isə saat 05:00-da Argentina və İsveçrə yığmaları arasında baş tutacaq. Oyun “Kanzas Siti” stadionunda oynanılacaq.Qeyd edək ki, daha əvvəl Fransa və İspaniya milli komandaları 1/4 final mərhələsini uğurla adlayaraq dünya çempionatının yarımfinalına yüksəliblər. Turnirin final oyunu isə 19 iyul tarixində keçiriləcək.
