Azərbaycanın 20 yaşadək çimərlik voleybolu üzrə oğlanlardan ibarət komandası Latviyada keçirilən beynəlxalq turnirdə uğurlu çıxış edərək mükafatçılar sırasında yer alıb.
Elpress.az xəbər verir ki , Latviyanın paytaxtı Riqada təşkil olunan Baltikyanı ölkələrin açıq çempionatında 20 yaşadək çimərlik voleybolçularının mübarizəsinə yekun vurulub.Azərbaycan turnirdə həm oğlan, həm də qız komandaları ilə təmsil olunub. Oğlanların yarışında İbrahim Məmmədov və Məhəmməd Aslanlıdan ibarət cütlük 34 komanda arasında uğurlu çıxış edərək bürünc medal qazanıb.Təmsilçilərimiz üçüncü yer uğrunda keçirilən görüşdə Latviya yığmasını 2:1 hesabı ilə məğlub edərək fəxri kürsünün üçüncü pilləsinə yüksəliblər.Qızların yarışında isə Səbinə Əlizadə və Leyla Əliyevadan ibarət Azərbaycan cütlüyü 27 komanda arasında mübarizə apararaq turniri 12-ci pillədə başa vurub.
