İran Parlamentinin sədri Məhəmməd Baqir Qalibaf ABŞ-ı üzərinə götürdüyü öhdəlikləri yerinə yetirməyə çağırıb.
Elpress.az xəbər verir ki, İran Parlamentinin sədri Məhəmməd Baqir Qalibaf ABŞ-la münasibətlərə dair sərt açıqlama verib. O bildirib ki, Vaşinqton ya verdiyi vədlərə əməl etməli, ya da bunun nəticələrini qəbul etməyə hazır olmalıdır.Qalibaf bu barədə “X” sosial şəbəkəsindəki paylaşımında yazıb. O vurğulayıb ki, artıq “birtərəfli razılaşmalar dövrü” geridə qalıb və tərəflər üzərlərinə götürdükləri öhdəliklərə sadiq qalmalıdırlar.İran parlamentinin sədri paylaşımına Vaşinqton və Tehran arasında iyun ayında imzalanmış qarşılıqlı anlaşma memorandumunun bir hissəsinin fotosunu da əlavə edib. Həmin sənəddə xüsusi qeyd olunan bənddə Hörmüz boğazında gəmiçilik hərəkətinin təşkilinə görə birbaşa İranın məsuliyyət daşıdığı göstərilir.
