Fransanın paytaxtı Paris yaxınlığında silahlarla dolu avtomobilin aşkar edilməsindən sonra ölkədə terrorla bağlı genişmiqyaslı istintaq başladılıb.
Elpress.az xəbər verir ki , Fransanın Milli Antiterror Prokurorluğu (PNAT) Parisin şimal ətrafında yerləşən Sarsel kommunasında silahlarla dolu avtomobilin tapılması ilə bağlı istintaqı öz icraatına götürüb.Hadisənin şənbə axşamı baş verdiyi bildirilir. Yerli KİV-in məlumatına görə, avtomobil sinaqoqun yaxınlığında aşkarlanıb. Təhlükəsizlik tədbirləri çərçivəsində təxminən 300 nəfər sakin ehtiyat məqsədilə ərazidən təxliyə edilib.PNAT-ın açıqlamasına əsasən, iyulun 12-də terror məqsədilə ağır cinayətlərin hazırlanması üçün cinayətkar birliyin yaradılması, eləcə də terror fəaliyyəti ilə əlaqəli A və B kateqoriyalı silahların daşınması, saxlanılması və əldə edilməsi maddələri üzrə cinayət işi başlanılıb.Araşdırmaya Fransanın xüsusi xidmət və hüquq-mühafizə orqanları cəlb olunub. İstintaqda Daxili Təhlükəsizlik Baş İdarəsi (DGSI), Antiterror Alt İdarəsi (SDAT), Milli Məhkəmə Polisi İdarəsi (DNPJ) və Val-d’Uaz departamentinin Departamentlərarası Milli Polis İdarəsi (DIPN) iştirak edir.Hazırda istintaq davam edir. Hadisənin motivləri və silahların kimə məxsus olduğu barədə rəsmi qurumlar əlavə məlumat açıqlamayıb.
