“Azərişıq” tərəfindən verilən məlumata əsasən, Lənkəranın bəzi ərazilərində elektrik enerjisinin verilişində müvəqqəti fasilələr olacaq.
Elpress.az-ın məlumatına görə, bu barədə qurum rəsmi məlumat yayıb.
Bildirilib ki, bu gün Lənkəran Elektrik Şəbəkəsinin ərazisində yerləşən 110/35/10 kV-luq “Lənkəran-2” yarımstansiyasından çıxan 10 kV-luq 3 və 12 saylı hava xətlərində təmir və bərpa işləri aparılacaq.
Bununla əlaqədar olaraq saat 10:00-dan 13:00-dək Sütəmurdov və Velədi kəndlərində elektrik enerjisinin verilişi məhdudlaşdırılacaq.
Eyni zamanda, saat 14:00-dan 16:00-dək Digah və Şiləvar kəndlərində də elektrik enerjisinin verilişində fasilələr nəzərdə tutulur.
Təmir işləri başa çatdıqdan sonra həmin ərazilər daha stabil və keyfiyyətli elektrik təchizatı ilə təmin ediləcək.
