Aysel Əlibəyli
17 İyun 2026 · 13:38
1140 baxış
Böyükşor yolunda ciddi yol-nəqliyyat hadisəsi qeydə alınıb.
Hadisə zamanı “Changan” markalı minik avtomobili hərəkətdə olan su daşıyan yük maşını ilə toqquşub. Güclü zərbənin təsirindən yük avtomobili idarəetməni itirərək aşıb, nəticədə içərisində olan su bidonları yolun hərəkət hissəsinə dağılıb.Qəza nəticəsində minik avtomobilinə ciddi mexaniki ziyan dəyib. Ərazidə nəqliyyatın hərəkətində qısa müddətli çətinlik yaranıb. Hadisə yerinə aidiyyəti qurumların əməkdaşlarının cəlb olunduğu bildirilir.Hazırda qəza zamanı ölən və ya xəsarət alan şəxslərlə bağlı rəsmi məlumat açıqlanmayıb. Hadisənin səbəblərinin müəyyənləşdirilməsi istiqamətində araşdırma aparılır.
