Aysel Əlibəyli
18 İyun 2026 · 19:46
1114 baxış
Paytaxtın Sabunçu rayonunda göz qapağı geyimin zəncirbəndinə ilişən şəxsə Fövqəladə Hallar Nazirliyinin əməkdaşları tərəfindən yardım göstərilib.
Elpress.az xəbər verir ki, hadisə ilə bağlı FHN-in “112” qaynar telefon xəttinə müraciət daxil olduqdan sonra əraziyə Xüsusi Riskli Xilasetmə Xidmətinin xilasediciləri göndərilib.Hadisə yerində aparılan ilkin qiymətləndirmə zamanı 2003-cü il təvəllüdlü vətəndaşın göz qapağının geyiminin zəncirbəndinə ilişdiyi və bu səbəbdən çətin vəziyyətdə qaldığı müəyyən edilib.
Xilasedicilər təhlükəsizlik qaydalarına əməl etməklə zəncirbəndi göz nahiyəsindən ayırıb və vətəndaşa lazımi köməklik göstəriblər.
