Həbsdə olan jurnalist Azər İsrafilovun səhhətinin pisləşdiyi bildirilir
Elpress.az xəbər verir ki,
Həbsdə olan jurnalist Azər İsrafilovun səhhətində ciddi problemlərin yarandığı bildirilir.Onun anası Zemfira İsrafilovanın sözlərinə görə, Azər İsrafilov Hepatit C xəstəliyindən əziyyət çəkir və son günlər ağrıları artıb. Bildirilir ki, o, bir müddət əvvəl tibbi müayinədən və müalicədən keçirilsə də, vəziyyətində yaxşılaşma olmayıb.Ana oğlunun Penitensiar Xidmətin Müalicə Müəssisəsinə köçürülməsini istəyərək aidiyyəti qurumlara müraciət edib. Onun sözlərinə görə, Azər İsrafilov hazırda yemək yeyə bilmir, iştahasızlıqdan əziyyət çəkir və səhhəti getdikcə ağırlaşır.Qeyd edək ki, Azər İsrafilov 2025-ci ilin fevral ayında həbs olunub və ona qarşı Cinayət Məcəlləsinin 178-ci (dələduzluq) maddəsi ilə ittiham irəli sürülüb.
