Almaniyada keçirilən həvəskar boks turnirində “Odlar Yurdu” klubunun iki idmançısı rəqiblərini məğlub edib.
Elpress.az xəbər verir ki, Saksoniya-Anhalt əyalətində, “Aşersleben” Boks Klubunun təşkilatçılığı ilə baş tutan “Falkensteiner Box Gala” yarışında Maqdeburqda fəaliyyət göstərən “Odlar Yurdu” klubunu üç boksçu təmsil edib.
50 kiloqram çəki dərəcəsində Angelo Halili, 60 kiloqramda Dmitro Turkulets, 70 kiloqramda isə Oliver Rzeszutek mübarizə aparıb. Turkulets və Rzeszutek öz qarşılaşmalarından qalib ayrılıblar. Angelo Halilinin nəticəsi barədə məlumat açıqlanmayıb.
Klub rəhbəri Azad Əzizov qazanılan qələbələrin 18 Oktyabr – Azərbaycanın Müstəqilliyinin Bərpası Gününə həsr olunduğunu bildirib. Onun sözlərinə görə, belə yarışlar gənc idmançıların təcrübə toplaması və hazırlıq səviyyəsinin yüksəldilməsi baxımından da əhəmiyyət daşıyır.
