Kürdəmirdə bir-birinin ardınca baş verən yol qəzaları nəticəsində iki gənc sürücü xəsarət alıb.
Elpress.az-ın Apa.az-a istinadən verdiyi məlumata əsasən, Atakişili kənd sakini, 2003-cü il təvəllüdlü Əsgərov Eynulla Sabir oğlu idarə etdiyi “Ravon” markalı avtomobillə hərəkətdə olarkən nəqliyyat vasitəsinə nəzarəti itirib və maşın yol kənarına çıxaraq aşıb.Bənzər hadisə Sovka kəndi ərazisində də qeydə alınıb. 2002-ci il təvəllüdlü Ağayev Toğrul Əskər oğlu idarə etdiyi “VAZ-21015” markalı avtomobillə hərəkət edərkən idarəetməni itirərək qəza törədib və avtomobil aşaraq yararsız vəziyyətə düşüb.Hər iki qəza nəticəsində sürücülər müxtəlif dərəcəli bədən xəsarətləri alıblar və onlara tibbi yardım göstərilib. Faktlarla bağlı araşdırmalar davam etdirilir.
