İranın xarici işlər naziri Abbas Əraqçi ilə Rusiyanın xarici işlər naziri Sergey Lavrov arasında telefon danışığı baş tutub.
Telefon danışığı zamanı tərəflər İslamabad memorandumunun detalları, onun icrası ilə bağlı məsələlər, eləcə də regional və ikitərəfli əlaqələrin gündəmində olan mövzular ətrafında fikir mübadiləsi aparıblar.Abbas Əraqçi söhbət zamanı memorandumun əsas müddəaları barədə Sergey Lavrova məlumat verib. İranlı nazir sənəddə nəzərdə tutulan öhdəliklərin yerinə yetirilməsində ABŞ-ın məsuliyyət daşıdığını vurğulayıb. O, həmçinin Livana qarşı hücumların tam şəkildə dayandırılmasının və bölgədə gərginliyin azaldılmasının vacibliyini qeyd edib.Sergey Lavrov isə memorandum mətninin yekunlaşdırılmasını müsbət qiymətləndirərək, Rusiyanın sənədin müddəalarının həyata keçirilməsini dəstəklədiyini bildirib. Rusiya XİN rəhbəri razılaşmanın regional sabitliyə töhfə verəcəyinə ümid etdiyini ifadə edib.Danışıqlar zamanı tərəflər beynəlxalq ictimaiyyətin və BMT Təhlükəsizlik Şurasının memorandumun icrasına dəstək göstərməsinin əhəmiyyətini də vurğulayıblar. Həmçinin region ölkələri arasında dialoqun, diplomatik əməkdaşlığın və qarşılıqlı etimadın gücləndirilməsinin vacibliyi qeyd olunub.
