Aysel Əlibəyli
31 İyul 2026 · 20:43
1004 baxış
Bakının Səbail rayonu ərazisində yerləşən “Port Baku” yaşayış kompleksində mənzillərdən birində yanğın baş verib.
Elpress.az xəbər verir ki, hadisə ilə bağlı Fövqəladə Hallar Nazirliyinin (FHN) “112” qaynar telefon xəttinə məlumat daxil olduqdan sonra əraziyə dərhal Dövlət Yanğından Mühafizə Xidmətinin qüvvələri cəlb edilib.
Nazirliyin yaydığı məlumata görə, yanğın çoxmərtəbəli yaşayış binasının 10-cu mərtəbəsində yerləşən vətəndaşa məxsus mənzildə qeydə alınıb.Yanğınsöndürənlərin və binanın texniki heyətinin operativ müdaxiləsi nəticəsində alovun digər mənzillərə yayılmasının qarşısı alınıb və yanğın qısa müddətdə tam söndürülüb.
Hadisə nəticəsində xəsarət alanlar barədə məlumat verilməyib. Faktla bağlı araşdırma aparılır.
