İlham Əliyevin tapşırığı əsasında işğaldan azad olunmuş ərazilərə “Böyük Qayıdış” proqramı mərhələli şəkildə davam edir.
Elpress.az-ın Azərtac -a istinadən verdiyi məlumata görə, növbəti köç mərhələsində Ağdam şəhərinə 110 ailədən ibarət 417 nəfər yerləşdirilib.
Uzun illərdən sonra doğma torpaqlarına dönən sakinlər göstərilən diqqət və qayğıya görə Prezident İlham Əliyevə və Birinci vitse-prezident Mehriban Əliyevaya minnətdarlıqlarını ifadə ediblər.
Sakinlər eyni zamanda torpaqların azad olunması uğrunda mübarizə aparan Azərbaycan Ordusunun hərbçilərinə təşəkkürlərini çatdırıb, Vətən uğrunda şəhid olan qəhrəmanların xatirəsini ehtiramla yad ediblər.
Qeyd olunub ki, Ağdama köçürülən ailələr indiyədək ölkənin müxtəlif bölgələrində yerləşən yataqxana, sanatoriya və inzibati binalarda müvəqqəti şəraitdə yaşayırdılar.
