Təqsirləndirilən şəxslər 15 ildən 19 ilədək müddətə azadlıqdan məhrum ediliblər
Elpress.az xəbər verir ki, Yevlaxda 2024-cü ildə baş verən qətl hadisəsi ilə bağlı təqsirləndirilən altı qohumun cinayət işi üzrə məhkəmə prosesi yekunlaşıb.Tərtər Hərbi Məhkəməsində keçirilən prosesdə təqsirləndirilən şəxslər barəsində hökm elan olunub.Məhkəmənin hökmü ilə X.R. və V.T. 19 il, Ə.Ə. və D.A. 18 il 2 ay, Ş.İ. 18 il, Ş.S. isə 15 il müddətinə azadlıqdan məhrum edilib.İttihama görə, 2024-cü ildə Azər Quliyev N.Ş. adlı qadını qaçırıb. Bundan sonra qadının qardaşları Abşeron rayonunun Qobu qəsəbəsində Azər Quliyevi döyərək ona xəsarətlər yetirib və avtomobilin baqajında Yevlaxa aparıblar.Yevlaxa çatdıqdan sonra onu avtomobildən çıxarmaq istəyərkən Azər Quliyevin öldüyü məlum olub.Hadisə ilə bağlı cinayət işi başlanılıb və şübhəli şəxslər polis əməkdaşları tərəfindən saxlanılıb.Təqsirləndirilən şəxslərə Cinayət Məcəlləsinin qəsdən adam öldürmə, adam oğurlama, seksual xarakterli zorakılıq və digər maddələri üzrə ittihamlar irəli sürülüb.Təqsirləndirilən şəxslərdən birinin hərbi qulluqçu olduğu bildirilib.
