Yanvar-avqust aylarında sığorta şirkətləri 96,1 milyon manat sığorta haqqı toplayıb
Elpress.az xəbər verir ki, 2026-cı ilin yanvar-avqust aylarında Azərbaycanda könüllü tibbi sığorta üzrə sığorta şirkətlərinin topladığı haqların həcmi 96,1 milyon manat təşkil edib.Bu göstərici ötən ilin eyni dövrü ilə müqayisədə 5,2 faiz azdır. 2025-ci ilin ilk səkkiz ayında könüllü tibbi sığorta üzrə 101,4 milyon manat sığorta haqqı toplanmışdı.Hesabat dövründə tibbi sığorta üzrə həyata keçirilən ödənişlərin həcmi isə 63,6 milyon manata çatıb. Bu, illik müqayisədə 8,1 faiz çoxdur. Ötən ilin yanvar-avqust aylarında ödənişlərin həcmi 58,8 milyon manat olub.Ödənişlərin artması fonunda könüllü tibbi sığorta üzrə zərərlilik göstəricisi də yüksəlib. Belə ki, 2025-ci ilin ilk səkkiz ayında şirkətlər topladıqları hər 100 manat sığorta haqqının 58,1 manatını ödənişlərə yönəldirdisə, 2026-cı ilin eyni dövründə bu göstərici 66,2 manata yüksəlib.
