Bakının Yasamal rayonunda xeyriyyəçilik adı altında vətəndaşdan pul və qızıl-zinət əşyaları aldığı bildirilən qadın saxlanılıb.
Elpress.az xəbər verir ki, araşdırma zamanı hadisənin izinə polis əməkdaşlarının keçirdiyi əməliyyat tədbirləri nəticəsində düşmək mümkün olub.Məlumata görə, hadisədə şübhəli bilinən 70 yaşlı N.Məhərrəmova müəyyən edilərək saxlanılıb. Onun daha əvvəl də dələduzluq əməllərinə görə bir neçə dəfə məhkum olunduğu bildirilib.İlkin araşdırmalara əsasən, N.Məhərrəmova zərərçəkmiş şəxslə əlaqə yaradaraq özünü xeyriyyə təşkilatının nümayəndəsi kimi təqdim edib. Daha sonra maddi yardım göstəriləcəyini vəd edərək həmin şəxsin evinə daxil olub.İddialara görə, bu yolla zərərçəkmiş şəxsdən 2 250 manat pul və 800 manat dəyərində qızıl-zinət əşyaları götürülüb. Araşdırma zamanı həmin qızıl-zinət əşyalarının sonradan satıldığı da üzə çıxıb.
Hazırda fakt üzrə araşdırma aparılır və hadisənin digər təfərrüatları müəyyənləşdirilir.
