Aysel Əlibəyli
23 May 2026 · 18:28
41 baxış
Samux rayonunun Çobanabadlı kəndində bir nəfərin quyuda köməksiz vəziyyətdə qalması ilə bağlı Fövqəladə Hallar Nazirliyinin “112” qaynar telefon xəttinə məlumat daxil olub.
Elpress.az-ın xəbərinə görə, bu barədə FHN-in Mətbuat xidməti açıqlama yayıb.Məlumat əsasında dərhal Nazirliyin Gəncə Regional Mərkəzinin xilasediciləri hadisə yerinə göndərilib.Əraziyə baxış zamanı müəyyən edilib ki, 1988-ci il təvəllüdlü Fərmanlı Rauf Ələddin oğlu təxminən 20 metr dərinliyində olan quyuya yıxılıb və müxtəlif xəsarətlər alaraq orada köməksiz qalıb.Xilasedicilər xüsusi avadanlıqlardan istifadə edərək vətəndaşı quyudan çıxarıb xilas ediblər.
