Hərbi xidmətdən yayınma və dələduzluqda şübhəli bilinən şəxslər Azərbaycana gətirilib
Elpress.az xəbər verir ki, Rusiya ərazisində saxlanılan iki Azərbaycan vətəndaşı istintaq tədbirlərinin davam etdirilməsi üçün ölkəyə təhvil verilib.Məlumata əsasən, şəxslərin Azərbaycana ekstradisiyası ilə bağlı Baş Prokurorluğun müraciətləri Rusiya Federasiyasının Baş Prokurorluğu tərəfindən təmin edilib. Ekstradisiya iki ölkə arasında hüquqi yardım və hüquqi münasibətlərə dair konvensiyanın tələblərinə uyğun həyata keçirilib.Araşdırmalara görə, şəxslərdən biri müddətdən artıq həqiqi hərbi xidmət hərbi qulluqçusu olduğu müddətdə xidmətdən yayınmaqda, digəri isə xeyli miqdarda ziyan vurmaqla dələduzluq törətməkdə əsaslı şübhələrə görə təqsirləndirilən şəxs qismində cəlb olunub.İstintaqdan yayınaraq gizləndikləri üçün hər iki şəxs barəsində dövlətlərarası axtarış elan edilib. Onlar Rusiya ərazisində müəyyən edilərək saxlanılıb və aidiyyəti qurumların əməkdaşları tərəfindən Azərbaycana gətiriliblər.
