Quba rayonunun Təngəaltı istiqamətində baş verən yol-nəqliyyat hadisəsi nəqliyyatın hərəkətində ciddi çətinliklərə səbəb olub.
Elpress.az xəbər verir ki, magistral yolda hərəkətdə olan yük avtomobili (TIR) idarəetməni itirərək aşıb. Hadisədən sonra yolun bir hissəsi bağlanıb və hər iki istiqamətdə uzun avtomobil sıxlığı yaranıb.Əraziyə aidiyyəti qurumların əməkdaşları cəlb olunub. Yolda hərəkətin bərpası və aşan yük avtomobilinin ərazidən götürülməsi istiqamətində işlər aparılır.İlkin məlumata görə, hadisə nəticəsində hərəkət xeyli müddət məhdudlaşıb.
Qəza zamanı xəsarət alanlarla bağlı hələlik rəsmi məlumat açıqlanmayıb.
Sürücülərə Quba–Təngəaltı yolundan istifadə edərkən ehtiyatlı olmaları, mümkün olduqda alternativ marşrutlara üstünlük vermələri tövsiyə edilir.
