Aysel Əlibəyli
31 İyul 2026 · 10:37
1104 baxış
Lənkəran rayonunda bir neçə gündür axtarış aparılan şəxsin meyiti su kanalında tapılıb.
Elpress.az xəbər verir ki, hadisə rayonun Bəlləbur kəndi ərazisində qeydə alınıb.Məlumata görə, Yuxarı Nüvədi kənd sakini, 48 yaşlı Mais Əzizağa oğlu Abdullayevin meyiti kənd ərazisindən keçən kanalda aşkarlanıb. Bildirilir ki, o, iyulun 26-dan itkin düşmüş şəxs kimi axtarılırdı.
Hadisənin başvermə səbəblərinin müəyyənləşdirilməsi məqsədilə Lənkəran Rayon Prokurorluğunda araşdırma aparılır. Hüquq-mühafizə orqanları faktla bağlı müvafiq tədbirləri davam etdirir.
