243 nəfərin olduğu “Virgo Transport 8” Yava dənizində batıb
Elpress.az xəbər verir ki, İndoneziyada göyərtəsində 243 nəfərin olduğu “Virgo Transport 8” sərnişin gəmisi Yava dənizində batıb.Hadisə nəticəsində 6 nəfərin öldüyü, 130 nəfərin itkin düşdüyü, 107 nəfərin isə xilas edildiyi bildirilib.Məlumata görə, 30 heyət üzvü də daxil olmaqla 243 nəfərin olduğu gəmi şənbə günü Şərqi Yava əyalətinin Surabaya şəhərindən Cənubi Kalimantan əyalətinin Banjarmasin şəhərinə yola düşüb. Səhər saatlarında gəmi ilə əlaqənin kəsilməsindən sonra ərazidə genişmiqyaslı axtarış-xilasetmə əməliyyatına başlanılıb.Xilasedicilər əməliyyat zamanı hündürlüyü 2,5 metrə çatan dalğalarla mübarizə aparmalı olublar. Gəminin əlverişsiz hava şəraiti ilə qarşılaşdığı bildirilib.İlkin məlumatlarda gəmidə 241 nəfərin olduğu qeyd edilsə də, sonrakı məlumatlara əsasən sərnişin və heyət üzvlərinin ümumi sayı 243 nəfər olub. Hazırda itkin düşən şəxslərin axtarışı davam etdirilir.
