Hakan Fidan: Ərdoğanın yaxın gələcəkdə Suriyaya səfəri planlaşdırılır
Elpress.az xəbər verir ki, Türkiyə Prezidenti Rəcəb Tayyib Ərdoğanın yaxın gələcəkdə Suriyaya səfəri planlaşdırılır.Türkiyənin xarici işlər naziri Hakan Fidan Suriyada keçirdiyi görüşlər çərçivəsində səfərlə bağlı hazırlıq işlərinin müzakirə edildiyini bildirib.Nazirin sözlərinə görə, onun Suriyaya səfərinin əsas məqsədlərindən biri Ərdoğanın planlaşdırılan səfərinə hazırlıq məsələlərini nəzərdən keçirmək olub. Səfərdən əvvəl Yüksək Planlaşdırma Qrupunun həyata keçirəcəyi işlər və görüləcək hazırlıqlar da müzakirə edilib.Hakan Fidan bildirib ki, Ərdoğanın Suriyaya səfəri yaxın gələcək üçün nəzərdə tutulub və səfərin baş tutması üçün lazımi şəraitin yaradılması istiqamətində iş aparılır.
