İrandan Rusiyaya aparılan yük maşınında 79,74 kiloqram narkotik vasitə aşkarlanıb
Elpress.az xəbər verir ki, İrandan Rusiyaya Azərbaycan ərazisindən tranzit keçirilən yük nəqliyyat vasitəsində külli miqdarda narkotik vasitə aşkarlanıb.Astara Gömrük İdarəsinin əməkdaşlarının keçirdiyi əməliyyat-axtarış və gömrük nəzarəti tədbirləri nəticəsində narkotik vasitənin ölkə ərazisindən tranzit keçirilməsinin qarşısı alınıb.Astara gömrük postunda İrandan Rusiyaya “kahı” və “kərəviz” yükü aparan yük maşını saxlanılaraq yoxlamaya cəlb edilib. Nəqliyyat vasitəsi stasionar rentgen qurğusundan keçirilib və kinoloji xidmət itinin köməyi ilə yoxlanılıb. Yükün içərisində gizlədilmiş bağlamaların olduğu müəyyənləşdirilib.Ətraflı yoxlama zamanı gömrük nəzarətindən gizlədilən 230 ədəd “kərəviz” formalı qablaşdırmada ümumi xalis çəkisi 79 kiloqram 740 qram olan marixuana aşkar edilərək götürülüb.Faktla bağlı araşdırma davam etdirilir.
