Donetskdə “Kasta” stansiyası ilə yanaşı, PUA idarəetmə məntəqəsi və hərbi poliqon da hədəfə alınıb
Elpress.az xəbər verir ki, Ukrayna Silahlı Qüvvələri Rusiya ordusuna məxsus bir neçə hərbi obyekt və texnikanın vurulduğunu açıqlayıb.Məlumata görə, Donetsk vilayətinin Pikuzı yaşayış məntəqəsi yaxınlığında Rusiya ordusuna aid “Kasta” radiolokasiya stansiyası məhv edilib. Stansiyanın dəyərinin təxminən 60 milyon ABŞ dolları olduğu bildirilib.Bundan başqa, Donetsk vilayətinin Dniproenerhiya yaşayış məntəqəsi ərazisində Rusiya qüvvələrinin pilotsuz uçuş aparatlarının idarəetmə məntəqəsinə zərbə endirildiyi qeyd olunub.Rusiya ərazisinin Belqorod vilayətində, Stary Xutor yaşayış məntəqəsi yaxınlığında isə hərbi qulluqçuların cəmləşdiyi poliqonun vurulduğu bildirilib.
