Bu gün Azərbaycan Respublikasının Birinci vitse-prezidenti, Heydər Əliyev Fondunun Prezidenti Mehriban Əliyevanın doğum günüdür.
Azərbaycanın Birinci vitse-prezidenti, Heydər Əliyev Fondunun və Azərbaycan Mədəniyyət Fondunun prezidenti, Azərbaycan Gimnastika Federasiyasının prezidenti, İSESCO-nun xoşməramlı səfiri Mehriban Arif qızı Əliyeva 1964-cü il avqustun 26-da Bakı şəhərində ziyalı ailəsində anadan olub. Mehriban Əliyeva uzun illərdir ölkəmizdə mədəniyyətin, təhsilin, səhiyyənin, idmanın inkişafı, milli-mənəvi dəyərlərin qorunması və dünyada təbliği, humanitar layihələrin həyata keçirilməsi istiqamətində müstəsna xidmətlər göstərir. Onun rəhbərlik etdiyi Heydər Əliyev Fondu tərəfindən həyata keçirilən irimiqyaslı layihələr Azərbaycanın beynəlxalq nüfuzunun möhkəmlənməsinə böyük töhfə verib.Birinci vitse-prezident kimi dövlət idarəçiliyində, sosial məsələlərin həllində, vətəndaş rifahının yüksəldilməsində nümayiş etdirdiyi fəaliyyət cəmiyyətdə yüksək rəğbət və ehtiramla qarşılanır.
Elpress.az kollektivi adından Azərbaycanın Birinci vitse-prezidenti Mehriban Əliyevanı doğum günü münasibətilə səmimi-qəlbdən təbrik edir, ona möhkəm cansağlığı, uzun ömür, dövlətimiz və xalqımız naminə şərəfli və məsuliyyətli fəaliyyətində yeni uğurlar arzulayırıq!
