Goranboy Rayon İcra Hakimiyyətinin sabiq şöbə müdiri Şaiq Qənbərli haqqında cinayət məsuliyyətinə cəlb olunması ilə bağlı yayılan məlumatlara reaksiya verib.
Elpress.az “Qafqazinfo”ya istinadən xəbər verir ki, o, barəsində yazılanların əsassız və həqiqətə uyğun olmadığını bildirib.Sabiq şöbə müdiri qeyd edib ki, onunla bağlı hər hansı cinayət işinin başlanması və ya təqsirləndirilən şəxs qismində cəlb olunması barədə məlumatlar doğru deyil. O vurğulayıb ki, şəxsin cinayət məsuliyyətinə cəlb edilməsi yalnız məhkəmə qərarı ilə təsdiqlənə bilər.Şaiq Qənbərli əlavə edib ki, hazırda onun barəsində heç bir hüquqi proses aparılmır və yayılan iddialar ictimai rəydə yanlış təsəvvür yaratmağa yönəlib.Qeyd edək ki, onun cinayət məsuliyyətinə cəlb olunması barədə ilkin məlumatı “Bakupost.az” yayıb.
