Şimali Makedoniya Azərbaycanla müxtəlif istiqamətlər üzrə əlaqələrin inkişaf etdirilməsi və yeni birgə layihələrin həyata keçirilməsi niyyətindədir.
Elpress.az xəbər verir ki, bu barədə Şimali Makedoniya rəsmiləri iki ölkə arasında mövcud əməkdaşlıq münasibətlərini dəyərləndirərkən bildiriblər.Qeyd olunub ki, enerji, iqtisadiyyat, ticarət, nəqliyyat, turizm və digər sahələrdə qarşılıqlı fəaliyyət üçün geniş imkanlar mövcuddur. Bu potensialdan səmərəli istifadə olunması məqsədilə yeni təşəbbüslərin və əməkdaşlıq mexanizmlərinin təşviqi nəzərdə tutulur.Bildirilib ki, Azərbaycanla münasibətlərin daha da möhkəmləndirilməsi regional əməkdaşlığın inkişafına da müsbət təsir göstərə bilər. Bu baxımdan tərəflər arasında dialoqun intensivləşdirilməsi və qarşılıqlı səfərlərin artırılması vacib hesab olunur.Rəsmilər vurğulayıblar ki, gələcək dövrdə müxtəlif sahələrdə ortaq layihələrin həyata keçirilməsi və iqtisadi əlaqələrin genişləndirilməsi əməkdaşlığın əsas istiqamətlərindən biri olacaq.
