Aysel Əlibəyli
30 May 2026 · 12:45
1207 baxış
Mayın 31-də bəzi rayonlarda yağış və dolu gözlənilir Sabah Bakıda və Abşeron yarımadasında hava əsasən yağmursuz keçəcək.
Milli Hidrometeorologiya Xidmətinin məlumatına görə, paytaxtda hava dəyişkən buludlu olacaq, bəzi şəhərətrafı ərazilərdə gecə saatlarında qısamüddətli zəif yağış yağacağı ehtimal edilir. Mülayim cənub-qərb küləyi axşam saatlarında şimal-qərb küləyi ilə əvəz olunacaq.Rayonlarda isə hava şəraitinin bəzi dağlıq və dağətəyi ərazilərdə qısamüddətli yağıntılı keçəcəyi, şimşək çaxacağı və dolu düşəcəyi gözlənilir. Qərb küləyi bəzi yerlərdə arabir güclənəcək. Gecə və səhər saatlarında duman müşahidə oluna bilər.Hidrometeoroloqlar əhalini hava şəraitində gözlənilən dəyişiklikləri nəzərə almağa çağırırlar.
