Aysel Əlibəyli
02 Noyabr 2026 · 22:33
1026 baxış
Bakının dörd rayonunda, eləcə də Ağdaş, Yevlax və Mingəçevirin bir sıra yaşayış məntəqələrində təmir işləri ilə əlaqədar elektrik enerjisinin verilişində müvəqqəti fasilələr olacaq.
Elpress.az xəbər verir ki, “Azərişıq” ASC-nin məlumatına görə, məhdudiyyətlər noyabrın 3-də müxtəlif saatlarda tətbiq ediləcək.
Bakıda elektrik verilişi dayandırılacaq ünvanlar:
- Yasamal rayonu: Saat 10:00-dan 13:00-dək Abbas Mirzə Şərifzadə, Akim Abbasov, Bəsti Bağırova, Cəfər Cabbarlı, Zahid Xəlilov, Zivər bəy Əhmədbəyov küçələrində və Mətbuat prospektinin bir hissəsində.
- Səbail rayonu: Saat 10:00-dan 14:00-dək Badamdar qəsəbəsinin 2-ci yaşayış massivində və Mikayıl Müşfiq küçəsində.
- Binəqədi rayonu: Saat 10:00-dan 13:00-dək Sulutəpə və Xocəsən qəsəbələrinin bəzi hissələrində, saat 10:00-dan 17:00-dək isə 10 May küçəsində və Xırdalan-Binəqədi yolunun aşağı hissəsində.
- Xəzər rayonu: Saat 10:00-dan 16:00-dək Buzovna qəsəbəsinin Albalılıq yaşayış massivində, həmçinin Abşeron, Abbasqulu Abdullayev, Baba Salahov, İzmir, Musa Nağıyev və Məmməd Namazov küçələrinin bəzi hissələrində.
Regionlarda elektrik kəsintisi gözlənilən ərazilər:
- Ağdaş: Saat 10:00-dan 14:00-dək Binələr, Cücük, Davudlu, Gürcüva, Malay, Maşad və Pirəyir kəndlərinin bir hissəsində.
- Yevlax: Saat 10:00-dan 15:00-dək Aşağı Qarxun, Yuxarı Qarxun, Xaldan, Qaraoğlan, Qəribli və Quşçu kəndlərində.
- Mingəçevir: Saat 10:00-dan 15:00-dək 20 Yanvar, Müslüm Maqomayev və Sahil küçələrində.
Təmir və yenidənqurma işləri yekunlaşdıqdan sonra elektrik enerjisinin verilişinin əvvəlki qaydada bərpa olunacağı bildirilib.
