Azərbaycan Xalq Cəbhəsi Partiyasının (AXCP) sədri Əli Kərimli və partiyanın sədr müavini Məmməd İbrahimin cinayət işi üzrə məhkəmə prosesi bu gün başlayır.
Elpress.az xəbər verir ki, işə Bakı Ağır Cinayətlər Məhkəməsində hakim Vüqar Quliyevin sədrliyi ilə baxılacaq. Məhkəmənin hazırlıq iclası noyabrın 3-nə təyin edilib.
İş üzrə araşdırma Dövlət Təhlükəsizliyi Xidmətinin İstintaq Baş İdarəsi tərəfindən aparılıb. Əli Kərimli və Məmməd İbrahimə Cinayət Məcəlləsinin 278.1-ci maddəsi ilə — hakimiyyəti zorla ələ keçirməyə və dövlətin konstitusiya quruluşunu zorla dəyişdirməyə yönələn hərəkətlərdə ittiham irəli sürülüb.
Həmin maddənin sanksiyasında 20 ilədək və ya işin hallarından asılı olaraq ömürlük azadlıqdan məhrumetmə cəzası nəzərdə tutulur.
Qeyd edək ki, hər iki şəxs ötən il saxlanılıb. Onların cinayət işi Prezident Administrasiyasının sabiq rəhbəri Ramiz Mehdiyevlə bağlı araşdırma çərçivəsində gündəmə gəlib.
