“PAŞA Kapital” İnvestisiya Şirkətində rəhbər vəzifələrdən birinə yeni təyinat həyata keçirilib.
Elpress.az FED.az-a istinadən xəbər verir ki, Gülşən Cumayeva Korporativ Kommunikasiyalar, İnsan Resursları və Biznesə Dəstək blokunun direktoru vəzifəsinə gətirilib.O, bundan əvvəl – 2024-cü ilin may ayından 2026-cı ilin iyun ayınadək şirkətin Marketinq və Kommunikasiya rəhbəri kimi fəaliyyət göstərib.Maliyyə və korporativ kommunikasiya sahəsində 10 ildən artıq təcrübəyə malik olan Gülşən Cumayeva müxtəlif illərdə “Bank of Baku”da İctimaiyyətlə əlaqələr və reklam departamentinin direktoru, İctimaiyyətlə əlaqələr şöbəsinin müdiri, KİV-lə əlaqələr şöbəsinin müdiri vəzifələrində çalışıb. O, həmçinin “Rabitəbank” və “Finca Azerbaijan”da ictimaiyyətlə əlaqələr sahəsinə rəhbərlik edib.Qeyd edək ki, 2012-ci ildə yaradılan “PAŞA Kapital” investisiya şirkəti fiziki və hüquqi şəxslərə broker xidməti, investisiya bankçılığı, marja ticarəti və maliyyə məsləhətləri üzrə xidmətlər təqdim edir.
