Avqustun 16-da Bakıda və bir sıra bölgələrdə güclü külək gözlənilir
Elpress.az xəbər verir ki, Milli Hidrometeorologiya Xidməti avqustun 16-da ölkə ərazisinin bir sıra yerlərində gözlənilən güclü küləklə əlaqədar sarı və narıncı xəbərdarlıq elan edib.Bakıda və Abşeron yarımadasında sarı xəbərdarlıq səviyyəsinə uyğun olaraq şimal-qərb küləyinin əsəcəyi gözlənilir. Naxçıvan Muxtar Respublikası, eləcə də Cəbrayıl, Zəngilan, Füzuli, Ağdam, Mingəçevir, Yevlax, Tərtər, Bərdə, Cəlilabad, Biləsuvar, Gədəbəy, Göygöl, Ağstafa, Gəncə, Tovuz, Şəmkir, Samux, Qazax, Beyləqan, Şirvan, Salyan, Qobustan, İmişli, Saatlı, Sabirabad, Neftçala, Hacıqabul, Xaçmaz, Siyəzən, Şabran, Quba, Xızı və Qusar rayonlarında isə şərq küləyinin üstünlük təşkil edəcəyi bildirilir.Sarı xəbərdarlıq verilən ərazilərdə küləyin sürətinin saniyədə 13,9-20,7 metr olacağı proqnozlaşdırılır.Goranboy, Naftalan və Daşkəsən rayonlarında isə narıncı xəbərdarlıq qüvvədə olacaq. Bu ərazilərdə şərq küləyinin sürətinin saniyədə 20,8-28,4 metrə çatacağı gözlənilir.
