Yay ayının ilk günündə hava dəyişdi: Azərbaycanın əksər bölgələrində leysan, dağlarda qar müşahidə olundu
İyulun ilk günündə Azərbaycanda qeyri-sabit hava şəraiti müşahidə olunub. Ölkə ərazisinin əksər hissəsində şimşək çaxıb, yağış yağıb, bəzi bölgələrdə isə yağıntılar leysan xarakterli və intensiv olub.Milli Hidrometeorologiya Xidmətinin məlumatına görə, iyulun 1-i saat 11:00-a olan faktiki hava şəraitinə əsasən, bəzi ərazilərdə güclü yağış qeydə alınıb. Həmçinin Şahdağın 3500 metrdən yüksək ərazilərinə qar yağması müşahidə edilib.Ən çox yağıntı Şəki rayonunda qeydə alınıb. Burada 46 millimetr yağıntı düşüb ki, bu da aylıq normanın 76 faizinə bərabərdir. Oğuzda 36, Göyçayda 20, Ağdamda 16, Qəbələdə 15, Qaxın Sarıbaş kəndində 13 millimetr yağış qeydə alınıb.Yağıntılı hava şəraiti digər bölgələrdə də müşahidə olunub. Mingəçevir, Yevlax, Xızı, Zaqatala, Kürdəmir, Gədəbəy, Goranboy, Şamaxı və digər ərazilərdə müxtəlif intensivlikdə yağış yağıb.Bakıda və Abşeron yarımadasında da qısamüddətli yağıntılar qeydə alınıb. Paytaxtda və bir sıra rayonlarda yağıntının miqdarı 1-2 millimetr təşkil edib.İyul ayının başlamasına baxmayaraq dağlıq ərazilərdə qarın müşahidə olunması hava şəraitindəki kəskin dəyişkənliyi göstərir. Meteoroloji vəziyyətlə bağlı məlumatların izlənilməsi tövsiyə olunur.
