Medianın İnkişafı Agentliyinin (MEDİA) təşkilatçılığı ilə 22 İyul – Milli Mətbuat Günü münasibətilə təntənəli tədbir keçirilib.
Elpress.az xəbər verir ki, Tədbir Azərbaycan Respublikasının Dövlət Himninin səsləndirilməsi, Ulu Öndər Heydər Əliyevin və Vətən uğrunda canından keçmiş şəhidlərin əziz xatirəsinin bir dəqiqəlik sükutla yad edilməsi ilə başlayıb.
Çıxış edənlər Azərbaycan milli mətbuatının 151 illik inkişaf yolundan, ölkənin ictimai-siyasi həyatında medianın rolundan və son illər bu sahədə həyata keçirilən islahatlardan danışıblar.
Bildirilib ki, Prezident İlham Əliyevin rəhbərliyi ilə medianın inkişafı, jurnalistikanın peşəkarlığının artırılması və informasiya təhlükəsizliyinin gücləndirilməsi istiqamətində mühüm addımlar atılır.Tədbirdə Milli Məclisin deputatı Vüqar Rəhimzadə, Mətbuat Şurası sədrinin müavini Səadət Məmmədova və Azərbaycan Televiziya və Radio Verilişləri QSC-nin sədr müavini Rafiq Həşimov da çıxış edərək müasir dövrdə medianın məsuliyyəti, etik jurnalistika prinsipləri və ictimai etimadın qorunmasının vacibliyini vurğulayıblar.
Mərasim çərçivəsində Azərbaycan milli mətbuatının tarixi inkişaf yolunu əks etdirən videoçarx nümayiş olunub, proqram bədii hissə ilə davam etdirilib.
